ஸ்ரீ அங்காள பரமேஸ்வரி அறிமுகம்

ஸ்தல சிறப்பு

எந்நாட்டிலும் நன்நாடாய் விளங்கும் சோழவள நாட்டில் மூர்த்தி, தலம், தீர்த்தம் என்ற மூன்றாலும் சிறப்புடைய, இறையருள் உறைகின்ற காசிக்கு இணையான ஸ்தலமாக விளங்கும், சம்மந்தர், மாணிக்கவாசகர், திருநாவுகரசர், பட்டினத்தார், பத்திரகிரியார், அருணகிரியார் போன்ற அருளாளர்களால் பாடி பரவி வழிபட்ட மத்யார்ச்சுன எனும் திருவிடைமருதூரில் ஸ்ரீ ஜோதிமஹாலிங்கப் பெருமான் ஆலயத்திற்கு மேற்கு கன்னிபாகதில் ஸ்ரீ அங்காளபரமேஸ்வரி அம்மன் பன்னெடுகாலமாக பரிவார தெய்வங்களுடன் திருக்கோயில்கொண்டு வேண்டிய வரங்களை வழங்கி வருகிறாள். கும்பகோணம் கிழக்கே மயிலாடுதுறை செல்லும் சாலையில் 9 கி.மீ தொலைவில் தாலுக்கா அலுவலகம் எதிர்புறம் திருவிடைமருதூர் ஸ்ரீ அங்காளபரமேஸ்வரி திருகோயில் அமைந்துள்ளது. சதிர்யுகத்தில் ஆதி கிரேதாயுகதிருக்கு முன்னர் சிவபெருமானுக்கு ஏற்பட்ட பிரம்மகத்தி தோஷத்தை நீக்கும் பொருட்டு, கலியுக மாந்தர்க்கு அருள்பாளிக்கும் பொருட்டும் அன்னை பராசக்தி சிவ சுயம்பு புற்றுருவாக திரு அவதாரம் செய்து அங்காளபரமேஸ்வரி அம்மனாக எழுந்தருளிய தலைமை ஸ்தலம்தான் மேல்மலையனுர் ஆகும்.இத்தகைய வரலாற்று சிறப்பு வாய்ந்த அங்காளபரமேஸ்வரிஅகிலமெல்லாம் அருளாட்சி செயவதற்காகவே பல்வேறு ஊர்களிலும் கோயில் கொண்டுள்ளாள்.